തിരിച്ചു വരവ്

വർഷങ്ങൾക്ക് ദിവസങ്ങളുടെ ആയുസ്സും ദിവസങ്ങൾക്ക് മണിക്കൂറുകളുടെ ആയുസ്സും മാത്രം ആയി മാറിയ ഈ കാലത്ത് നീണ്ട 6 വര്ഷം ഈ ബ്ലോഗ് മൗനിയായി എന്നത് അവിശ്വസിനീയം. ഓർമകൾക്ക് തിരി കൊളുത്തിയ പോലെ ഒരു കൊള്ളിയാൻ മനസ്സിൽ മിന്നിയപ്പോ തോന്നി എന്റെ ഒരു പഴയ ബ്ലോഗ് ഉറങ്ങി കിടപ്പുണ്ടല്ലോ എന്ന്. തുറന്നിട്ട് തന്നെ കാലം കുറെ ആയി. ചെറുപ്പത്തിന്റെ തിളപ്പിൽ എന്തൊക്കെ ആക്കണം എന്ന് കരുതി തുടങ്ങിയതാണ്. അപക്വതയില് നിന്നും പ്കവതയിലേക്കുള്ള പ്രയാണത്തിൽ എവിടെയോ വാക്കുകൾ ഇടറി. അക്ഷരങ്ങൾ നിശ്ചലമായി. ഇന്നീ പുസ്തകം തുറന്നപ്പോൾ എന്തെങ്കിലും ഒക്കെ കുറിക്കാതെ അടക്കാൻ തോന്നിയില്ല. ഒരു പക്ഷെ സമരത്തിൽ ആയിരുന്ന അക്ഷരങ്ങളുടെ തിരിച്ചു വരവ് ആയിക്കൂടായ്കയില്ല. എന്തെങ്കിലും ഒക്കെ എഴുതാൻ വിചാരിച്ചാ ഒന്നും മനസ്സിൽ വരുന്നില്ല.എന്നിരുന്നാലും നിങ്ങൾ ഇത് വായിക്കുക ആണെങ്കില് നിങ്ങൾക്ക് സർവ്വ നന്മകളും നേരുന്നു.